॥ శ్రీదత్తాత్రేయవజ్రపంజర కవచమ్ ॥

శ్రీగణేశాయ నమః ।
శ్రీదత్తాత్రేయాయ నమః ।
ఋషయ ఊచుః ।
కథం సఙ్కల్పసిద్ధిః స్యాద్వేదవ్యాస కలౌ యుగే ।
ధర్మార్థకామమోక్షాణాం సాధనం కిముదాహృతమ్ ॥ 1॥

వ్యాస ఉవాచ ।
శృణ్వన్తుఋషయః సర్వే శీఘ్రం సఙ్కల్పసాధనమ్ ।
సకృదుచ్చారమాత్రేణ భోగమోక్షప్రదాయకమ్ ॥2॥

గౌరీశృఙ్గే హిమవతః కల్పవృక్షోపశోభితమ్ ।
దీప్తే దివ్యమహారత్నహేమమణ్డపమధ్యగమ్ ॥ 3॥

రత్నసింహాసనాసీనం ప్రసన్నం పరమేశ్వరమ్ ।
మన్దస్మితముఖామ్భోజం శఙ్కరం ప్రాహ పార్వతీ ॥ 4॥

శ్రీదేవ్యువాచ ।
దేవదేవ మహాదేవ లోకశఙ్కర శఙ్కర ।
మన్త్రజాలాని సర్వాణి యన్త్రజాలాని కృత్స్నశః ॥ 5॥

తన్త్రజాలాన్యనేకాని మయా త్వత్తః శ్రుతాని వై ।
ఇదానీం ద్రష్టుమిచ్ఛామి విశేషేణ మహీతలమ్ ॥ 6॥

ఇత్యుదీరితమాకర్ణ్య పార్వత్యా పరమేశ్వరః ।
కరేణామృజ్య సన్తోషాత్పార్వతీం ప్రత్యభాషత ॥ 7॥

మయేదానీం త్వయా సార్ధం వృషమారుహ్య గమ్యతే ।
ఇత్యుక్త్వా వృషమారుహ్య పార్వత్యా సహ శఙ్కరః ॥ 8॥

యయౌ భూమణ్డలం ద్రష్టుం గౌర్యాశ్చిత్రాణి దర్శయన్ ।
క్వచిత్ విన్ధ్యాచలప్రాన్తే మహారణ్యే సుదుర్గమే ॥ 9॥

తత్ర వ్యాహర్తుమాయాన్తం భిల్లం పరశుధారిణమ్ ।
వర్ధ్యమానం మహావ్యాఘ్రం నఖదణ్ష్ట్రాభిరావృతమ్ ॥ 10॥

అతీవ చిత్రచారిత్ర్యం వజ్రకాయసమాయుతమ్ ।
అప్రయత్నమనాయాసమఖిలం సుఖమాస్థితమ్ ॥ 11॥

పలాయన్తం మృగం పశ్చాద్వ్యాఘ్రో భీత్యా పలాయితః ।
ఏతదాశ్చర్యమాలోక్య పార్వతీ ప్రాహ శఙ్కరమ్ ॥ 12॥

శ్రీపార్వత్యువాచ ।
కిమాశ్చర్యం కిమాశ్చర్యమగ్రే శమ్భో నిరీక్ష్యతామ్ ।
ఇత్యుక్తః స తతః శమ్భుర్దృష్ట్వా ప్రాహ పురాణవిత్ ॥ 13॥

శ్రీశఙ్కర ఉవాచ ।
గౌరి వక్ష్యామి తే చిత్రమవాఙ్మానసగోచరమ్ ।
అదృష్టపూర్వమస్మాభిర్నాస్తి కిఞ్చన్న కుత్రచిత్ ॥ 14॥

మయా సమ్యక్ సమాసేన వక్ష్యతే శృణు పార్వతి ।
అయం దూరశ్రవా నామ భిల్లః పరమధార్మికః ॥ 15॥

సమిత్కుశప్రసూనాని కన్దమూలఫలాదికమ్ ।
ప్రత్యహం విపినం గత్వా సమాదాయ ప్రయాసతః ॥ 16॥

ప్రియే పూర్వం మునీన్ద్రేభ్యః ప్రయచ్ఛతి న వాఞ్ఛతి ।
తేఽపి తస్మిన్నపి దయాం కుర్వతే సర్వమౌనినః ॥ 17॥

దలాదనో మహాయోగీ వసన్నేవ నిజాశ్రమే ।
కదాచిదస్మరత్ సిద్ధం దత్తాత్రేయం దిగమ్బరమ్ ॥ 18॥

దత్తాత్రేయః స్మర్తృగామీ చేతిహాసం పరీక్షితుమ్ ।
తత్క్షణాత్సోఽపి యోగీన్ద్రో దత్తాత్రేయః సముత్థితః ॥ 19॥

తం దృష్ట్వాఽఽశ్చర్యతోషాభ్యాం దలాదనమహామునిః ।
సమ్పూజ్యాగ్రే నిషీదన్తం దత్తాత్రేయమువాచ తమ్ ॥ 20॥

మయోపహూతః సమ్ప్రాప్తో దత్తాత్రేయ మహామునే ।
స్మర్తృగామీ త్వమిత్యేతత్ కింవదన్తీ పరీక్షితుమ్ ॥ 21॥

మయాద్య సంస్మృతోఽసి త్వమపరాధం క్షమస్వ మే ।
దత్తాత్రేయో మునిం ప్రాహ మమ ప్రకృతిరీదృశీ ॥ 22॥

అభక్త్యా వా సుభక్త్యా వా యః స్మరేన్మామనన్యధీః ।
తదానీం తముపాగత్య దదామి తదభీప్సితమ్ ॥ 23॥

దత్తాత్రేయో మునిం ప్రాహ దలాదనమునీశ్వరమ్ ।
యదిష్టం తద్వృణీష్వ త్వం యత్ ప్రాప్తోఽహం త్వయా స్మృతః ॥ 24॥

ఇదత్తాత్రేయం మునిః ప్రాహ మయా కిమపి నోచ్యతే ।
త్వచ్చిత్తే యత్స్థితం తన్మే ప్రయచ్ఛ మునిపుఙ్గవ ॥ 25॥

శ్రీదత్తాత్రేయ ఉవాచ ।
మమాస్తి వజ్రకవచం గృహాణేత్యవదన్మునిమ్ ।
తథేత్యఙ్గీకృతవతే దలాదనమునయే మునిః ॥ 26॥

స్వవజ్రకవచం ప్రాహ ఋషిచ్ఛన్దఃపురఃసరమ్ ।
న్యాసం ధ్యానం ఫలం తత్ర ప్రయోజనమశేషతః ॥ 27॥

అస్య శ్రీదత్తాత్రేయవజ్రకవచస్తోత్రమన్త్రస్య,
కిరాతరూపీ మహారుద్ర ఋషిః, అనుష్టుప్ ఛన్దః,
శ్రీదత్తాత్రేయో దేవతా, ద్రాం బీజం, ఆం శక్తిః,
క్రౌం కీలకం, ఓం ఆత్మనే నమః । ఓం ద్రీం మనసే నమః ।
ఓం ఆం ద్రీం శ్రీం సౌః ఓం క్లాం క్లీం క్లూం క్లైం క్లౌం క్లః ।
శ్రీదత్తాత్రేయప్రసాదసిద్ధ్యర్థే జపే వినియోగః ।
ఓం ద్రాం అంగుష్ఠాభ్యాం నమః ।
ఓం ద్రీం తర్జనీభ్యాం నమః ।
ఓం ద్రూం మధ్యమాభ్యాం నమః ।
ఓం ద్రైం అనామికాభ్యాం నమః ।
ఓం ౌద్రౌం కనిష్ఠికాభ్యాం నమః ।
ఓం ద్రః కరతలకరపృష్ఠాభ్యాం నమః ।
ఏవం హృదయాది న్యాసః ।
ఓం భూర్భువఃస్వరోమితి దిగ్బన్ధః ।
అథ ధ్యానమ్ ।
జగదంకురకన్దాయ సచ్చిదానన్దమూర్తయే ।
దత్తాత్రేయాయ యోగీన్ద్రచంద్రాయ పరమాత్మనే ॥

కదా యోగీ కదా భోగీ కదా నగ్నః పిశాచవత్ ।
దత్తాత్రేయో హరిః సాక్షాద్భుక్తిముక్తిప్రదాయకః ॥

వారాణసీపురస్నాయీ కోల్హాపురజపాదరః ।
మాహురీపురభిక్షాశీ సహ్యశాయీ దిగమ్బర ॥

ఇన్ద్రనీలసమాకారశ్చంద్రకాన్తిసమద్యుతిః ।
వైడూర్యసదృశస్ఫూర్తిశ్చలత్కిఞ్చిజ్జటాధరః ॥

స్నిగ్ధధావల్యయుక్తాక్షోఽత్యన్తనీలకనీనికః ।
భ్రూవక్షఃశ్మశ్రునీలాఙ్కః శశాంకసదృశాననః ॥

హాసనిర్జితనీహారః కణ్ఠనిర్జితకమ్బుకః ।
మాంసలాంసో దీర్ఘబాహుః పాణినిర్జితపల్లవః ॥

విశాలపీనవక్షాశ్చ తామ్రపాణిర్దలోదరః ।
పృథులశ్రోణిలలితో విశాలజఘనస్థలః ॥

రమ్భాస్తమ్భోపమానోరుర్జానుపూర్వైకజఙ్ఘకః ।
గూఢగుల్ఫః కూర్మపృష్ఠోలసత్పాదోపరిస్థలః ॥

రక్తారవిన్దసదృశరమణీయపదాధరః ।
చర్మామ్బరధరో యోగీ స్మర్తృగామీ క్షణే క్షణే ॥

జ్ఞానోపదేశనిరతో విపద్ధరణదీక్షితః ।
సిద్ధాసనసమాసీన ఋజుకాయో హసన్ముఖః ॥

వామహస్తేన వరదో దక్షిణేనాభయంకరః ।
బాలోన్మత్తపిశాచీభిః క్వచిద్యుక్తః పరీక్షితః ॥

త్యాగీ భోగీ మహాయోగీ నిత్యానన్దో నిరఞ్జనః ।
సర్వరూపీ సర్వదాతా సర్వగః సర్వకామదః ॥

భస్మోద్ధూలితసర్వాఙ్గో మహాపాతకనాశనః ।
భుక్తిప్రదో ముక్తిదాతా జీవన్ముక్తో న సంశయః ॥

ఏవం ధ్యాత్వాఽనన్యచిత్తో మద్వజ్రకవచం పఠేత్ ।
మామేవ పశ్యన్సర్వత్ర స మయా సహ సంచరేత్ ॥

దిగమ్బరం భస్మసుగన్ధలేపనం చక్రం త్రిశూలం డమరుం గదాయుధమ్ ।
పద్మాసనం యోగిమునీన్ద్రవన్దితం దత్తేతి నామస్మరణేన నిత్యమ్ ॥

(అథ పఞ్చోపచారైః సంపూజ్య ఓం ద్రాం ఇతి అష్టోత్తరశతవారం జపేత్)

ఓం ద్రాం ।
ఓం దత్తాత్రేయః శిరః పాతు సహస్రాబ్జేషు సంస్థితః ।
భాలం పాత్వనసూయేయశ్చన్ద్రమణ్డలమధ్యగః ॥ 28॥

కూర్చం మనోమయః పాతు హం క్షం ద్విదలపద్మభూః ।
జ్యోతిరూపోఽక్షిణీ పాతు పాతు శబ్దాత్మకః శ్రుతీ ॥ 29॥

నాసికాం పాతు గన్ధాత్మా ముఖం పాతు రసాత్మకః ।
జిహ్వాం వేదాత్మకః పాతు దన్తోష్ఠౌ పాతు ధార్మికః ॥ 30॥

కపోలావత్రిభూః పాతు పాత్వశేషం మమాత్మవిత్ ।
స్వరాత్మా షోడశారాబ్జస్థితః స్వాత్మాఽవతాద్గలమ్ ॥ 31॥

స్కన్ధౌ చన్ద్రానుజః పాతు భుజౌ పాతు కృతాదిభూః ।
జత్రుణీ శత్రుజిత్ పాతు పాతు వక్షఃస్థలం హరిః ॥ 32॥

కాదిఠాన్తద్వాదశారపద్మగో మరుదాత్మకః ।
యోగీశ్వరేశ్వరః పాతు హృదయం హృదయస్థితః ॥ 33॥

పార్శ్వే హరిః పార్శ్వవర్తీ పాతు పార్శ్వస్థితః స్మృతః ।
హఠయోగాదియోగజ్ఞః కుక్షీ పాతు కృపానిధిః ॥ 34॥

డకారాదిఫకారాన్తదశారసరసీరుహే ।
నాభిస్థలే వర్తమానో నాభిం వహ్న్యాత్మకోఽవతు ॥ 35॥

వహ్నితత్వమయో యోగీ రక్షతాన్మణిపూరకమ్ ।
కటిం కటిస్థబ్రహ్మాణ్డవాసుదేవాత్మకోఽవతు ॥ 36॥

వకారాదిలకారాన్తషట్పత్రామ్బుజబోధకః ।
జలతత్వమయో యోగీ స్వాధిష్ఠానం మమావతు ॥ 37॥

సిద్ధాసనసమాసీన ఊరూ సిద్ధేశ్వరోఽవతు ।
వాదిసాన్తచతుష్పత్రసరోరుహనిబోధకః ॥ 38॥

మూలాధారం మహీరూపో రక్షతాద్వీర్యనిగ్రహీ ।
పృష్ఠం చ సర్వతః పాతు జానున్యస్తకరామ్బుజః ॥ 39॥

జఙ్ఘే పాత్వవధూతేన్ద్రః పాత్వఙ్ఘ్రీ తీర్థపావనః ।
సర్వాఙ్గం పాతు సర్వాత్మా రోమాణ్యవతు కేశవః ॥ 40॥

చర్మ చర్మామ్బరః పాతు రక్తం భక్తిప్రియోఽవతు ।
మాంసం మాంసకరః పాతు మజ్జాం మజ్జాత్మకోఽవతు ॥ 41॥

అస్థీని స్థిరధీః పాయాన్మేధాం వేధాః ప్రపాలయేత్ ।
శుక్రం సుఖకరః పాతు చిత్తం పాతు దృఢాకృతిః ॥ 42॥

మనోబుద్ధిరహంకారం హృషీకేశాత్మకోఽవతు ।
కర్మేన్ద్రియాణి పాత్వీశః పాతు జ్ఞానేన్ద్రియాణ్యజః ॥ 43॥

బన్ధూన్ బన్ధూత్తమః పాయాచ్ఛత్రుభ్యః పాతు శత్రుజిత్ ।
గృహారామధనక్షేత్రపుత్రాదీన్ శంకరోఽవతు ॥ 44॥

భార్యాం ప్రకృతివిత్ పాతు పశ్వాదీన్పాతు శార్ఙ్గభృత్ ।
ప్రాణాన్పాతు ప్రధానజ్ఞో భక్ష్యాదీన్పాతు భాస్కరః ॥ 45॥

సుఖం చంద్రాత్మకః పాతు దుఃఖాత్ పాతు పురాంతకః ।
పశూన్పశూపతిః పాతు భూతిం భూతేశ్వరో మమ ॥ 46॥

ప్రాచ్యాం విషహరః పాతు పాత్వాగ్నేయ్యాం మఖాత్మకః ।
యామ్యాం ధర్మాత్మకః పాతు నైఋత్యాం సర్వవైరిహృత్ ॥ 47॥

వరాహః పాతు వారుణ్యాం వాయవ్యాం ప్రాణదోఽవతు ।
కౌబేర్యాం ధనదః పాతు పాత్వైశాన్యాం మహాగురుః ॥ 48॥

ఊర్ధ్వం పాతు మహాసిద్ధః పాత్వధస్తాజ్జటాధరః ।

ఓం ద్రాం ।

మన్త్రజపః ।

ఓం ద్రాం అంగుష్ఠాభ్యాం నమః ।
ఓం ద్రీం తర్జనీభ్యాం నమః ।
ఓం ద్రూం మధ్యమాభ్యాం నమః ।
ఓం ద్రైం అనామికాభ్యాం నమః ।
ఓం ద్రౌం కనిష్ఠికాభ్యాం నమః ।
ఓం ద్రః కరతలకరపృష్ఠాభ్యాం నమః ।
ఏవం హృదయాది న్యాసః ।
ఓం భూర్భువఃస్వరోమితి దిగ్బన్ధః ।

రక్షాహీనం తు య త్స్థా నం రక్షత్వాదిమునీశ్వరః ॥ 49॥

ఏతన్మే వజ్రకవచం యః పఠేచ్ఛృణుయాదపి ।
వజ్రకాయశ్చిరఞ్జీవీ దత్తాత్రేయోఽహమబ్రువమ్ ॥ 50॥

త్యాగీ భోగీ మహాయోగీ సుఖదుఃఖవివర్జితః ।
సర్వత్రసిద్ధసంకల్పో జీవన్ముక్తోఽద్య వర్తతే ॥ 52॥

ఇత్యుక్త్వాన్తర్దధే యోగీ దత్తాత్రేయో దిగమ్బరః ।
దలాదనోఽపి తజ్జప్త్వా జీవన్ముక్తః స వర్తతే ॥ 53॥

భిల్లో దూరశ్రవా నామ తదానీం శ్రుతవాదినమ్ ।
సకృచ్ఛ్రవణమాత్రేణ వజ్రాఙ్గోఽభవదప్యసౌ ॥ 54॥

ఇత్యేతద్వజ్రకవచం దత్తాత్రేయస్య యోగినః ।
శ్రుత్వాశేషం శమ్భుముఖాత్ పునరప్యాహ పార్వతీ ॥ 55॥

పార్వత్యువాచ ।
ఏతత్కవచమాహాత్మ్యం వద విస్తరతో మమ ।
కుత్ర కేన కదా జాప్యం కిం యజాప్యం కథం కథమ్ ॥ 56॥

ఉవాచ శమ్భుస్తత్సర్వం పార్వత్యా వినయోదితమ్ ।
శ్రీశివ ఉవాచ ।
శ్రుణు పార్వతి వక్ష్యామి సమాహితమనావిలమ్ ॥ 57॥

ధర్మార్థకామమోక్షాణామిదమేవ పరాయణమ్ ।
హస్త్యశ్వరథపాదాతిసర్వైశ్వర్యప్రదాయకమ్ ॥ 58॥

పుత్రమిత్రకలత్రాదిసర్వసంతోషసాధనమ్ ।
వేదశాస్త్రాదివిద్యానాం నిధానం పరమం హి తత్ ॥ 59॥

సంగీతశాస్త్రసాహిత్యసత్కవిత్వవిధాయకమ్ ।
బుద్ధివిద్యాస్మృతిప్రజ్ఞామతిప్రౌఢిప్రదాయకమ్ ॥ 60॥

సర్వసంతోషకరణం సర్వదుఃఖనివారణమ్ ।
శత్రు సంహారకం శీఘ్రం యశఃకీర్తివివర్ధనమ్ ॥ 61॥

అష్టసంఖ్యా మహారోగాః సన్నిపాతాస్త్రయోదశ ।
షణ్ణవత్యక్షిరోగాశ్చ వింశతిర్మేహరోగకాః ॥ 62॥

అష్టాదశ తు కుష్ఠాని గుల్మాన్యష్టవిధాన్యపి ।
అశీతిర్వాతరోగాశ్చ చత్వారింశత్తు పైత్రికాః ॥ 63॥

వింశతిశ్లేష్మరోగాశ్చ క్షయచాతుర్థికాదయః ।
మంత్రయంత్రకుయోగాద్యాః కల్పతన్త్రాదినిర్మితాః ॥ 64॥

బ్రహ్మరాక్షసవేతాలకూష్మాణ్డాదిగ్రహోద్భవాః ।
సంగజాః దేశకాలస్థాస్తాపత్రయసముత్థితాః ॥ 65॥

నవగ్రహసముద్భూతా మహాపాతకసమ్భవాః ।
సర్వే రోగాః ప్రణశ్యన్తి సహస్రావర్తనాద్ధ్రువమ్ ॥ 66॥

అయుతావృత్తిమాత్రేణ వన్ధ్యా పుత్రవతీ భవేత్ ।
అయుతద్వితయావృత్త్యా హ్యపమృత్యుజయో భవేత్ ॥ 67॥

అయుతత్రితయాచ్చైవ ఖేచరత్వం ప్రజాయతే ।
సహస్రాదయుతాదర్వాక్ సర్వకార్యాణి సాధయేత్ ॥ 68॥

లక్షావృత్యా కార్యసిద్ధిర్భవేత్యేవ న సంశయః ।
విషవృక్షస్య మూలేషు తిష్ఠన్ వై దక్షిణాముఖః ॥ 69॥

కురుతే మాసమాత్రేణ వైరిణం వికలేన్ద్రియమ్ ।
ఔదుమ్బరతరోర్మూలే వృద్ధికామేన జాప్యతే ॥ 70॥

శ్రీవక్షమూలే శ్రీకామీ తింత్రిణీ శాన్తికర్మణి ।
ఓజస్కామోఽశ్వత్థమూలే స్త్రీకామైః సహకారకే ॥ 71॥

జ్ఞానార్థీ తులసీమూలే గర్భగేహే సుతార్థిభిః ।
ధనార్థిభిస్తు సుక్షేత్రే పశుకామైస్తు గోష్ఠకే ॥ 72॥

దేవాలయే సర్వకామైస్తత్కాలే సర్వదర్శితమ్ ।
నాభిమాత్రజలే స్థిత్వా భానుమాలోక్య యో జపేత్ ॥ 73॥

యుద్ధే వా శాస్త్రవాదే వా సహస్రేణ జయో భవేత్ ।
కణ్ఠమాత్రే జలే స్థిత్వా యో రాత్రౌ కవచం పఠేత్ ॥ 74॥

జ్వరాపస్మారకుష్ఠాదితాపజ్వరనివారణమ్ ।
యత్ర యత్స్యాత్స్థిరం యద్యత్ప్రసన్నం తన్నివర్తతే ॥ 75॥

తేన తత్ర హి జప్తవ్యం తతః సిద్ధిర్భవేద్ధ్రువమ్ ।
ఇత్యుక్త్వాన్ చ శివో గౌర్యే రహస్యం పరమం శుభం ॥ 76॥

యః పఠేత్ వజ్రకవచం దత్తాత్రేయసమో భవేత్ ।
ఏవం శివేన కథితం హిమవత్సుతాయై ప్రోక్తం ॥ 77॥

దలాదమునయేఽత్రిసుతేనపూర్వమ్ యః కోఽపి వజ్రకవచం ।
పఠతీహ లోకే దత్తోపమశ్చరతి యోగివరశ్చిరాయుః ॥ 78॥

॥ ఇతి శ్రీరుద్రయామలే హిమవత్ఖణ్డే ఉమామహేశ్వరసంవాదే
శ్రీదత్తాత్రేయవజ్రకవచస్తోత్రం సమ్పూర్ణమ్ ॥